Янгиликлар
Ўзбекистоннинг халқаро майдондаги обрў-эътибори ва нуфузи, халқаро рейтинглардаги ўрни тобора мустаҳкамланиб бормоқда.
Рақобат сиёсати ва истеъмолчилар ҳуқуқлари тадқиқотлари маркази томонидан Тошкент давлат иқтисодиёт университети «Минтақавий иқтисодиёт» кафедраси профессор-ўқитувчилари билан ҳамкорликда илмий-ўқув семинар ташкил этилди.
Жорий йилнинг 23–24 декабрь кунлари Тошкент шаҳрида Рақобат қўмитаси томонидан German Sparkassenstiftung ҳамда Германиянинг ҳамкорлик ташкилотлари билан ҳамкорликда “Сунъий интеллектни бошқариш: тартибга солиш ҳамда рақобатни таъминлаш бўйича Европа Иттифоқи қонунчилиги ва глобал стратегиялар” мавзусида халқаро семинар ташкил этилди.
Эътироф ва табрик Рақобатни ривожлантириш ва истеъмолчилар ҳуқуқларини ҳимоя қилиш қўмитаси раҳбарияти томонидан Рақобат сиёсати ва истеъмолчилар ҳуқуқлари тадқиқотлари маркази “SCIENCE AND INNOVATION AWARDS – 2025” танловида “Йилнинг энг яхши тадқиқот маркази” сифатида эътироф этилгани муносабати билан Марказ жамоасини самимий муборакбод этди.
“SCIENCE AND INNOVATION AWARDS – 2025” тақдирлаш тадбири доирасида “Йилнинг энг яхши тадқиқот маркази” номинацияси бўйича Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази муносиб деб топилди. Ушбу юксак натижа марказ ташкил этилганига ҳали кўп вақт бўлмай туриб эришилгани билан алоҳида аҳамиятлидир.
Ушбу қисқа давр ичида Рақобат қўмитасининг асосий илмий ва таҳлилий бўлинмаси ҳисобланадиган Марказ товар ва молия бозорлари таҳлилларини янги босқичга олиб чиқди ҳамда илмий фундаментал тадқиқотларни амалга оширишни йўлга қўя олди. Марказ томонидан рақобат муҳити, истеъмолчилар ҳуқуқларини такомиллаштириш борасидаги илғор эконометрик ва инновацион ёндашувлар ва бозордаги ҳолатни моделлаштириш (ARIMA, VAR, OLS, VESM, ARDL моделлари) ва прогнозлаштиришда халқаро тажриба асосида ишлаб чиқилган илмий методологиялар жорий этилди, шунингдек, халқаро илмий ҳамжамият билан ҳамкорлик ва Қўмита малака ошириш дастурлари ва бозор иштирокчилари учун монополияга қарши комплаенс бўйича тренинг дастурларини самарали даражада ташкил этди. Шунингдек, Марказ томонидан мамлакатимиз иқтисодиётида рақобат ва ишбилармонлик муҳитини баҳолашнинг ўзига хос "барометри" ҳисобланадиган индекслар ишлаб чиқилди ва амалиётга жорий этилди:- бизнес фаоллиги;- ҳудудий рақобатбардошлик;- рақобатни ривожлантириш. Бунинг натижаси ўлароқ, ушбу мукофот илмий ҳамжамият томонидан айнан Марказнинг фаол тадқиқот ва таҳлилий фаолиятининг муносиб эътирофидир. Марказ фаолияти рақобат сиёсати, бозор таҳлили ва истеъмолчилар ҳуқуқларини ҳимоя қилиш соҳаларида илмий асосланган қарорлар қабул қилинишга хизмат қилиб, миллий ва халқаро илмий-маърифий маконда муносиб ўрин эгаллаб бормоқда. “SCIENCE AND INNOVATION AWARDS – 2025” тақдирлаш тадбири доирасида “Йилнинг энг яхши тадқиқот маркази” номинацияси бўйича соврин академик Йўлдошев Шукурулло Убайдуллаевич томонидан топширилди. Ушбу номинация бўйича 80 дан ортиқ илмий тадқиқот институтлари ва марказлари ичида Қўмита ҳузуридаги Рақобат сиёсати ва истеъмолчилар ҳуқуқлари тадқиқотлари маркази ғолибликни қўлга киритди. Марказ жамоасини ушбу ютуқ билан самимий муборакбод этиб, илм-фан, инновация ва адолатли рақобат тамойилларини ривожлантириш йўлидаги саъй-ҳаракатларига муваффақиятлар тилаймиз!
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази ҳамда Халқаро Вестминстер Университети ўртасидаги ҳамкорлик доирасида Қўмита ходимлари учун «Илмий тадқиқот методлари ва эконометрик таҳлил» мавзусида амалий семинар ташкил этилди.
Мазкур семинарнинг асосий мақсади ходимларни замонавий илмий тадқиқот методологиясининг янгича ёндашувлари билан таништириш, иқтисодий таҳлил ва бозор мониторингида қўлланиладиган эконометрик усуллар бўйича амалий билим ва кўникмаларни шакллантиришдан иборат бўлди. Амалий машғулотлар давомида иштирокчилар таъсир кучини баҳолаш, миқдорий ва сифатли тадқиқот усуллари, тадқиқот натижаларини таҳлилий хулосаларга айлантириш ҳамда уларни қарор қабул қилиш жараёнида қўллаш бўйича тушунчаларга эга бўлдилар. Ушбу амалий семинар ходимларнинг таҳлилий фикрлашини ривожлантириш, илмий асосланган ёндашувларни амалиётга жорий этиш ҳамда рақобат сиёсати соҳасида қабул қилинаётган қарорлар сифатини оширишга хизмат қилади. |Telegram |facebook|instagram|
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан хўжалик юритувчи субъектлар ходимлари учун монополияга қарши комплаенсни ўқитиш бўйича уч кунлик ўқув курси ташкил етилди.
Ўқув курси доирасида иштирокчиларга рақобат тўғрисидаги қонунчиликнинг мазмун-моҳияти, унинг иқтисодиётдаги аҳамияти ҳамда монополияга қарши тартибга солишнинг замонавий механизмлари юзасидан батафсил тушунчалар берилди. Ўқув машғулотлари Қўмита ҳамда соҳадаги етакчи мутахассислар томонидан олиб борилиб, иштирокчиларнинг амалий саволларига атрофлича жавоблар берилди. Курс якунида иштирокчиларга махсус сертификатлар топширилди Мазкур ўқув курси хўжалик юритувчи субъектлар ходимларининг монополияга қарши қонунчилик бўйича билим ва кўникмаларини ошириш, комплаенс тизимини жорий этиш ҳамда рақобат қоидаларига риоя этиш маданиятини шакллантиришга қаратилган. |Telegram |facebook|instagram|
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!