Янгиликлар
Пойабзалларнинг қуйи қисми (подошва) бозори таҳлил қилинди
“Ҳудудий электр тармоқлари” АЖ ҳамда Олий таълим муассасалари ходимлари учун монополияга қарши комплаенс бўйича 3 кунлик ўқув курси ташкил этилди
Термослар ва комплектланган вакуум идишлар бозори таҳлил қилинди
Резина ва пластмассалар учун таркибий пластификаторлар бозори таҳлил қилинди
Ромлар учун герметик резиналар бозори таҳлил қилинди
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан ромлар (ойна/эшик рамкалари) учун герметик резиналар бозоридаги рақобат муҳити ҳамда ички бозорнинг маҳаллий маҳсулотлар билан тўйинганлик даражаси ўрганилди. Таҳлил натижаларига кўра:Импорт ҳолати: 2024 йилда 1 158 та корхона томонидан 58 та давлатдан жами 16,4 млн АҚШ долларлик (1 580 тн) ромлар учун герметик резиналар импорт қилинган.Импортнинг асосий қисми: Энг йирик 5 та импорт қилувчи корхона ҳиссасига жами импортнинг 27% тўғри келган.Хитой — 52%Россия — 14%Туркия — 12%Бошқа давлатлар — 22% Экспорт ҳолати: 2024 йилда 20 та корхона томонидан 20 та давлатга жами 1,3 млн АҚШ долларлик (200 тн) ромлар учун герметик резиналар экспорт қилинган. Экспортнинг асосий қисми Қозоғистон (79%) ҳиссасига тўғри келган. Ички ишлаб чиқариш: 2024 йилда 5 та корхона томонидан жами 8,7 млрд сўмлик (594 тн) ромлар учун герметик резиналар ишлаб чиқарилган. Тўйинганлик даражаси: Ҳисоб-китобларга кўра, ички бозорнинг маҳаллий маҳсулотлар билан тўйинганлик даражаси 30,1% ни ташкил этган. Эслатиб ўтамиз, амалдаги тартибга кўра ушбу кўрсаткич 80% дан юқори бўлганда бозор тўйинган деб ҳисобланади. Хулоса: Ромлар учун герметик резиналар бозорида маҳаллий ишлаб чиқариш ҳажми чекланган бўлиб, бозорда рақобат муҳити етарлича ривожланмаган. Шу билан бирга, ички бозорда ушбу маҳсулотга бўлган талаб юқори бўлиб қолмоқда, бу эса ишлаб чиқариш қувватларини кенгайтириш ва янги инвестиция лойиҳаларини амалга ошириш учун кенг имкониятлар мавжудлигини кўрсатади. |Telegram |facebook|instagram|
Mеморандум доирасида амалий ҳамкорлик тадбирлари изчил давом этмоқда
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази ҳамда Тошкент давлат юридик университети ўртасида имзоланган ўзаро англашув меморандуми доирасида амалий ҳамкорлик тадбирлари изчил давом этмоқда.Мазкур меморандум доирасида бугун Рақобат қўмитасида Тошкент давлат юридик университети талабалари учун давра суҳбати ташкил этилди. Тадбирда Қўмита масъул ходимлари томонидан, мамлакатимизда рақобат муҳитини шакллантириш ва истеъмолчилар ҳуқуқларини ҳимоя қилиш соҳасида амалга оширилаётган ислоҳотлар ҳақида атрофлича маълумотлар берилди.Давра суҳбати давомида иштирокчиларга:“Рақобат тўғрисида”ги қонуннинг асосий қоидалари,“Реклама тўғрисида”ги қонун талаблари,товар ва хизматлар бозорида ҳалол рақобатни таъминлаш механизмлари,монополияга қарши тартибга солиш амалиёти каби масалалар юзасидан тушунтиришлар берилди.Шунингдек, магистрантлар соҳадаги амалий кейслар билан таништирилиб, рақобат ҳуқуқини қўллаш амалиёти бўйича мутахассислар билан очиқ мулоқот ўтказдилар ҳамда уларни қизиқтирган саволларга жавоблар берилди.Бундай тадбирлар ёш ҳуқуқшуносларда рақобат ҳуқуқи соҳаси бўйича амалий билим ва кўникмаларни шакллантириш, шунингдек давлат органлари ва илмий-тадқиқот муассасалари ўртасидаги илмий-амалий ҳамкорликни янада мустаҳкамлашга хизмат қилади.|Telegram |facebook|instagram|
Буюк Британияда Apple ва Google назорат остига олинди
2026-йил 1-апрелдан бошлаб Буюк Британияда "Рақамли бозорлар, рақобат ва истеъмолчилар тўғрисида"ги қонун (DMCCA) доирасида технология гигантларига нисбатан янги қатъий талаблар кучга кирди. Бу қадам нафақат Британия, балки глобал IT-экотизими учун ҳам муҳим бурилиш нуқтасидир. Нималар ўзгарди? CMA Apple ва Google компанияларини "Стратегик бозор мақоми" (SMS) деб белгилади. Бу энди улар ўз қоидаларини мустақил белгилай олмаслигини, аксинча, CMA талабларига бўйсунишини англатади. Асосий ўзгаришлар ва мажбуриятлар: App Store шаффофлиги: Apple ва Google иловаларни текшириш (review) ва рейтинглаш (ranking) жараёнларини очиқроқ қилиш мажбуриятини олди. Энди ишлаб чиқувчилар ўз иловалари нега рад этилгани ёки қидирувда нега пастда эканини аниқ билишади. Интероперабеллик (Ўзаро мувофиқлик): Apple учинчи томон дастурчиларига iOS функцияларига (масалан, NFC ёки рақамли ҳамёнлар) кириш учун кенгроқ имкониятлар яратиб беради. Бу Fintech ва инновацион сервислар учун янги эшикларни очади. Маълумотлар ҳимояси: Платформалар дастурчилардан олинган маълумотлардан ўзларининг рақобатдош маҳсулотларини ишлаб чиқишда фойдаланиши тақиқланади. Танлов эркинлиги: Фойдаланувчилар қидирув тизимлари ва браузерларни танлашда кўпроқ эркинликка эга бўладилар (Google Search ҳукмронлигига чек қўйиш чоралари). Нима учун бу муҳим? Британия ҳукумати шу йўл билан кичик ва ўрта IT-бизнесни қўллаб-қувватлашни кўзламоқда. Агар ушбу компаниялар қоидаларни бузса, уларга глобал айланмасининг 10% миқдорида жарима солиниши мумкин. Хулоса: Энди Apple ва Google "ёпиқ боғ" сиёсатини юритишда анча эҳтиёткор бўлишга мажбур. Бу эса фойдаланувчилар учун арзонроқ сервислар ва кўпроқ танлов демакдир. Манба: CMA (Competition and Markets Authority) расмий ҳисоботи. |Telegram |facebook|instagram|
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!