Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан велосипед учун занжирлар бозоридаги рақобат муҳити ҳамда ички бозорнинг маҳаллий маҳсулотлар билан тўйинганлик даражаси ўрганилди.

Таҳлил натижаларига кўра:
Импорт ҳолати: 2024 йилда 284 та корхона томонидан 23 та давлатдан жами 3,3 млн АҚШ долларлик (821 тн) велосипед занжирлари импорт қилинган.
Импортнинг асосий қисми:
⏺Хитой - 75%
⏺Россия- 9%
⏺Жанубий Корея - 9%
⏺Бошқа 20 та давлатлар -7%
Энг йирик 5 та импорт қилувчи корхона ҳиссасига жами импортнинг 33% тўғри келган.
2024 йилда 7 та корхона томонидан 5 та давлатга жами 31 минг АҚШ долларлик (8 тн) велосипед занжирлари экспорт қилинган.

Ички ишлаб чиқариш: 2024 йилда 9 та корхона томонидан 18 млрд сўмлик (130 тн) велосипед занжирлари ишлаб чиқарилган.

Тўйинганлик даражаси: Ҳисоб-китобларга кўра, ички бозорнинг маҳаллий маҳсулотлар билан тўйинганлик даражаси 13,8% ни ташкил этган.
Эслатиб ўтамиз, амалдаги тартибга кўра ушбу кўрсаткич 80% дан юқори бўлганда бозор тўйинган деб ҳисобланади.

Хулоса: Велосипед занжирлари бозорида маҳаллий ишлаб чиқариш етарли даражада шаклланмаган. Шу билан бирга, бозорда ушбу маҳсулотга бўлган талаб юқори бўлиб қолмоқда. Бу эса ишлаб чиқариш қувватларини кенгайтириш ва янги инвестиция лойиҳаларини амалга ошириш учун имкониятлар мавжудлигини кўрсатади.

|Telegram |facebook|instagram|