Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан капельницалар бозоридаги рақобат муҳити ҳамда ички бозорнинг маҳаллий маҳсулотлар билан тўйинганлик даражаси ўрганилди.

Таҳлил натижаларига кўра:
Импорт ҳолати: 2024 йилда 12 та корхона томонидан 12 та давлатдан жами 7,7 млн АҚШ долларлик (115 млн тонна) капельницалар импорт қилинган.
Импортнинг асосий қисми: Энг йирик 5 та импорт қилувчи корхона ҳиссасига жами импортнинг 57% тўғри келган.
Хитой — 97%
Германия — 2%
Бошқа давлатлар — 1%

Экспорт ҳолати: 2024 йилда капельницалар экспорти амалга оширилмаган.

Ички ишлаб чиқариш: 2024 йилда 5 та корхона томонидан жами 48 млрд сўмлик (18,5 млн тонна) капельницалар ишлаб чиқарилган.

Тўйинганлик даражаси: Ички бозорнинг маҳаллий маҳсулотлар билан тўйинганлик даражаси 14% ни ташкил этган. Эслатиб ўтамиз, ушбу кўрсаткич 80% дан юқори бўлганда бозор тўйинган деб ҳисобланади.

Хулоса: Капельницалар бозорида маҳаллий ишлаб чиқариш улуши жуда паст бўлиб, бозор импортга юқори даражада боғлиқ. Шу билан бирга, ички талаб юқори бўлиб қолмоқда, бу эса ишлаб чиқариш қувватларини кенгайтириш ҳамда янги инвестиция лойиҳаларини амалга ошириш учун катта имкониятлар мавжудлигини кўрсатади.

|Telegram |facebook|instagram|