Бугун Рақобат сиёсати ва истеъмолчилар ҳуқуқлари тадқиқотлари маркази ходимлари учун German Sparkassenstiftung томонидан "Сунъий интеллект" мавзусида семинар-тренинг ташкил этилди.

Тадбир давомида иштирокчилар Ўзбекистон ва Европа тажрибаси мисолида сунъий интеллектни тартибга солишга оид ҳуқуқий ёндашувлар ва уни ривожлантириш бўйича устувор йўналишлар билан танишдилар. Шунингдек, интерактив муҳокамалар орқали сунъий интеллектни иш жараёнларига жорий этиш имкониятлари, мавжуд тўсиқлар ва уларни бартараф этишнинг амалий ечимлари кўриб чиқилди.

Семинар-тренинг Марказ ходимларининг рақамли компетенцияларини ошириш ва замонавий технологияларни иш жараёнларига самарали жорий этишга қаратилди.