Марказий банк бир кишига расмийлаштирилиши мумкин бўлган банк карталари сонига чеклов киритди. Маълум қилинишича, вақтинчалик қоидалар 2025-йил 1-январдан 31-декабргача амал қилади.

Аввалроқ регулятор бир кишига 20 та карта, шу жумладан виртуал ва кобейджинг карталари учун лимит ўрнатилишини э’лон қилган эди. Бунда битта банкда кўпи билан 5 та банк картасини очиш мумкин бўлади. Ушбу чекловлар банкларнинг карталар эмиссияси бўйича ишини оптималлаштириш ва улардан фойдаланиш устидан назоратни кучайтиришга қаратилиши кутилмоқда. Ташаббусларни ишлаб чиқиш якунлангач, Марказий банк уларни жамоатчилик ва оммавий ахборот воситалари муҳокамасига қўйишни режалаштирмоқда.