Сиғими 300 литрдан ортиқ бўлган резервуарлар бозори таҳлил қилинди
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан сиғими 300 литрдан ортиқ бўлган резервуарлар бозоридаги рақобат муҳити ҳамда ички бозорнинг маҳаллий маҳсулотлар билан тўйинганлик даражаси ўрганилди.
Таҳлил натижаларига кўра:
Импорт ҳолати: 2024 йилда 113 та корхона томонидан 19 та давлатдан жами 7,5 млн АҚШ долларлик (1,4 минг тонна) резервуарлар импорт қилинган.
Импортнинг асосий қисми: энг йирик 5 та импорт қилувчи корхона ҳиссасига жами импортнинг 55% тўғри келган.
Хитой — 69%
Россия — 9%
Жанубий Корея — 7%
Бошқа давлатлар — 15%
Экспорт ҳолати: 2024 йилда 9 та корхона томонидан 5 та давлатга жами 49 минг АҚШ долларлик (98 тонна) резервуарлар экспорт қилинган.
Ички ишлаб чиқариш: 2024 йилда 16 та корхона томонидан жами 46,9 млрд сўмлик (1,1 минг тонна) резервуарлар ишлаб чиқарилган.
Тўйинганлик даражаси: Ички бозорнинг маҳаллий маҳсулотлар билан тўйинганлик даражаси 46 % ни ташкил этган. Эслатиб ўтамиз, ушбу кўрсаткич 80% дан юқори бўлганда бозор тўйинган деб ҳисобланади.
Хулоса: Резервуарлар бозорида маҳаллий ишлаб чиқариш улуши етарли даражада шаклланмаган бўлиб, бозор тўлиқ тўйинмаган. Шу билан бирга, ички талаб мавжуд бўлиб, бу эса ишлаб чиқариш қувватларини кенгайтириш ҳамда янги инвестиция лойиҳаларини амалга ошириш учун имкониятлар мавжудлигини кўрсатади.
