Янгиликлар
Республикадаги 13 мингдан зиёд дорихоналар томонидан ўтган йили 24 триллион сўмлик дори воситалари сотилган. Бундан ташқари, давлат харидлари орқали йилига 5 триллион сўмлик фармацевтика маҳсулотлари олинмоқда.
Видеоселектор йиғилиши бошланди
Янги ўқув қўлланма нашр этилди
Ёшларга ўзига мос иш топиши учун шароит яратиш – энг муҳим масала экани қайд этилди
“Кўксарой” қароргоҳида Президент Шавкат Мирзиёевнинг ёшлар билан мулоқоти бошланди.
“Кўксарой” қароргоҳида Президент Шавкат Мирзиёевнинг ёшлар билан мулоқоти бошланди. Қорақалпоғистон, вилоятлар ва Тошкент шаҳридаги студиялардан учрашувда 60 мингдан зиёд ёшлар вакиллари иштирок этмоқда. Давлатимиз раҳбари йиғилганларни самимий қутлади. “Юртимиздаги 22 миллиондан зиёд ёшларимиз тимсолида биз жуда катта иқтисодий, ижтимоий ва сиёсий кучни кўрамиз”, – деди Президентимиз. Ҳар бир вазир, ҳоким, олийгоҳ ректори, техникум, мактаб директори ва бошқа масъуллар ҳудудидаги ёшларни тил ва касб-ҳунар ўрганиши, спорт билан шуғулланиши, ғоя, лойиҳа ва стартапига кўмак бериб, уларни ўстириши, ишли ва даромадли қилиб, бирорта ёшни эътиборсиз қолдирмасликка янада катта масъулият билан ёндашиб ишлаши лозимлиги қайд этилди. Facebook |Instagram |X
Рақобат сиёсати соҳасида навбатдаги илмий-амалий давра суҳбати ўтказилди
Рақобат сиёсати ва истеъмолчилар ҳуқуқлари тадқиқотлари марказида Тошкент давлат иқтисодиёт университети магистрантлари иштирокида “Рақобатнинг иқтисодий табиатини тизимли таҳлил қилиш” мавзусида навбатдаги давра суҳбати ташкил этилди. Тадбирда иқтисодий рақобатнинг мазмун-моҳияти, унинг бозор механизмидаги ўрни ҳамда ресурслар тақсимотидаги аҳамияти таҳлил қилинди. Рақобатнинг асосий қуроллари — нарх, сифат, сервис ва инновация, шунингдек уларнинг иқтисодий ўсишга таъсири муҳокама этилди. Амалий қисмда SWOT таҳлили, Porter’нинг “5 куч” модели ва бошқа замонавий усуллар асосида кейслар кўриб чиқилиб, иштирокчилар рақобат муҳитини таҳлил қилиш бўйича амалий кўникмаларга эга бўлдилар. Давра суҳбати очиқ мулоқот руҳида ўтиб, магистрантларнинг назарий билимларини мустаҳкамлаш ва таҳлилий салоҳиятини оширишга хизмат қилди. Бундай учрашувлар малакали кадрлар тайёрлаш ва илмий ҳамкорликни мустаҳкамлашда муҳим аҳамият касб этади. |Telegram |facebook|instagram|
Рақобат сиёсати соҳасида билим ва тажриба алмашинуви давом этмоқда
Рақобат сиёсати ва истеъмолчилар ҳуқуқлари тадқиқотлари марказида Тошкент давлат иқтисодиёт университети магистрантлари иштирокида навбатдаги илмий-амалий давра суҳбати ташкил этилди. Тадбир давомида иштирокчиларга рақобат муҳитини шакллантиришнинг замонавий ёндашувлари, бозорларда рақобат даражасини баҳолаш усуллари, рақамли иқтисодиёт шароитида янги бизнес моделларининг пайдо бўлиши ҳамда уларнинг бозор муносабатларига таъсири бўйича кенг қамровли маълумотлар тақдим этилди. Шунингдек, мамлакатимизда рақобатни ривожлантириш ва истеъмолчилар ҳуқуқларини ҳимоя қилиш соҳасида амалга оширилаётган ислоҳотлар, янги қонунчилик янгиликлари ҳамда монополияга қарши тартибга солиш механизмларининг амалиётдаги аҳамияти муҳокама қилинди. Давра суҳбати очиқ мулоқот, амалий мисоллар ва савол-жавобларга бой муҳитда ўтиб, магистрантларга назарий билимларини мустаҳкамлаш ва соҳадаги замонавий тенденциялар ҳақида тўлиқ тасаввур ҳосил қилиш имконини берди. Бундай учрашувлар рақобат сиёсати соҳасида малакали кадрлар тайёрлаш, илмий ҳамкорликни мустаҳкамлаш ва ёш мутахассисларнинг амалий кўникмаларини ривожлантиришда муҳим аҳамият касб этади. |Telegram |facebook|instagram|
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!