Янгиликлар
Қозоғистон Республикасининг Евроосиё тадқиқотлар институти (ERI) билан ҳамкорлик ўрнатилди
Туркий давлатлар ташкилотининг етакчи таҳлил марказлари халқаро анжумани бўлиб ўтди
Ҳамкорлик меморандуми имзоланди
Рақобат сиёсати ва истеъмолчилар ҳуқуқлари тадқиқотлари маркази ҳамда Тоғ-кон ва геология соҳаси ходимлари малакасини ошириш институти ўртасида ҳамкорлик меморандуми имзоланди
Рақобат қўмитаси томонидан реклама қонунчилиги бузилишига йўл қўйган ахборот ресурсининг номи ўзгартирилиши таъминланди
Рақобат қўмитаси томонидан ўтказилган мониторингларда ижтимоий тармоқлар орқали “Halolmevali ko'chatlar" номи остида мевали кўчатлар савдосини амалга оширувчи хизматлар тўғрисида реклама ахборотлари жойлаштирилганлиги аниқланди. Дастлабки ўрганишларда мевали кўчатлар савдоси тўғрисида маълумот берувчи ахборот ресурси орқали дарахт кўчатлари олиш ниятида бўлган фуқароларни чалғитиш мақсадида ўз ахборот ресурси номланишида асоссиз равишда “Halolmevali ko'chatlar" номидан фойдаланганлиги маълум бўлди. Маълумот учун: Дин ишлари бўйича қўмитанинг "Ҳалол" сертификати ёки "Ҳалол" ном одатда озиқ-овқат маҳсулотларини тайёрлаш, ишлаб чиқариш, қадоқлаш, сақлаш ва ташиш жараёнларида қўлланилиши, турли реклама ва эълонларида аҳолини чалғитувчи "ҳалол" сўзини қўшиш билан мижозлар сонини кўпайтиришни мақсад қилингани бўйича ҳам умумий хулосаси мавжуд. Юқоридагиларга кўра, "Halolmevali ko'chatlar" ахборот ресурсини юритувчи шахсларга реклама тўғрисидаги қонунчилик ҳужжатлари талаблари ҳақида тегишли ҳуқуқий тушунтиришлар берилиб, нотўғри реклама берганлик учун ахборот ресурс эгаси маъмурий жавобгарликка тортилди. Натижада "Halolmevali ko'chatlar" платформаси номи ихтиёрий равишда бошқа номга ўзгартирилиши таъминланди. Қўмита томонидан ахборот ресурслари (ижтимоий тармоқлардаги саҳифаларда ва телеграм мессенжерида ташкил қилинган гуруҳ ва каналлар) орқали жойлаштирилган рекламаларнинг амалдаги реклама тўғрисидаги қонун ҳужжатлари талабларига мослиги юзасидан ўрганиш ва таҳлил ишлари давом эттирилмоқда.
Ўқув курсларининг навбатдаги дастури бўлиб ўтди
Жорий йилнинг 09-10 апрель кунлари Қўмита ҳузуридаги Тадқиқотлар маркази томонидан “Давлат органлари ва хўжалик юритувчи субъектлар учун” навбатдаги ўқув курслари бўлиб ўтди. Ўқув курсларида: “Tошкент шахар сув таъминоти” АЖ, "Узбекгеофизика" АЖ, "Veolia Energy Tashkent" МЧЖ ХК ташкилот ходимлари иштирок этди. Мазкур ўқув курслари доирасида, Нархларни тартибга солиш ва Давлат харидлари бўйича масъул ходимларига, декларация қилиш ва белгилаш ҳамда уларнинг қўлланиши тартиблари, рақобат ва истеъмолчилар ҳуқуқларини ҳимоя қилиш тўғрисидаги қонунчилик ҳужжатлари ва унга киритилган ўзгартириш ва қўшимчалар бўйича ҳамда шартномаларни тузиш, келишиш ва унинг талабларига риоя қилиниши бўйича тегишли мисоллар билан тушунтиришлар берилди. Ўқув курси якунида тингловчилар билан бирга , истеъмолчилар ва тадбиркорлик субъектлари томонидан билдирилган эътирозлар муаммоларни бартараф этиш бўйича фикр-мулоҳазалари ва таклифлари биргаликда муҳокама қилинди.
Инсофсиз рақобат ҳолатларига йўл қўйган 2 та корхонага нисбатан тегишли таъсир чоралари кўрилди
Рақобат қўмитаси республикамизнинг ҳудудлари кесимида хўжалик юритувчи субъектлар ёки уларнинг манфаатларини кўзлаб бошқа шахслар томонидан рақобатчиларга нисбатан инсофсиз рақобатни амалга ошириш ҳолатларини ўз назоратига олиб, мазкур қонунбузилиш юзасидан тегишли чоралар кўриб келмоқда. Жумладан, Тошкент вилояти мисолида“FOTIH KRAL MOB” МЧЖнинг “ХАНСКИЙ” товар белгининг ҳуқуқий эгаси эканлиги, бироқ Тошкент вилоятида жойлашган “GULJAXON-GULANDON” МЧЖ томонидан ҳам “ХАНСАРОЙ” товар белгиси остида пишлоқ маҳсулотлари ишлаб чиқарилиб, унинг ҳуқуқлари поймол бўлаётганлиги юзасидан ҳудудий бошқармага мурожаат қилган. Мазкур мурожаатни ўрганиш давомида, “GULJAXON GULANDON” МЧЖни маҳсулоти қадоқлаш қутисининг ташқи кўриниши, номи, ранглар уйғунлиги “FOTIH KRAL MOB” МЧЖнинг маҳсулоти қадоқлаш қутисининг ташқи безатилиши, номи, ранглар уйғунлиги билан ўхшашлиги ва бу ўз навбатида истеъмолчини чалғитиши мумкинлиги ўз тасдиғини топди. Юқоридаги ҳолатларга мувофиқ, ҳудудий бошқарма Махсус комиссияси томонидан “GULJAXON-GULANDON” МЧЖга нисбатан “Рақобат тўғрисида”ги Қонун талаблари бузилиш аломатлари билан иш қўзғатилиб, келгусида йўл қўймаслик тўғрисида кўрсатма берилди. Жиззах вилояти мисолида,Жиззах шаҳарда фаолият олиб борувчи “ISLOM ISOKOV” МЧЖга қарашли сомсахона биносининг пештоқига “№1. Қипчоқ сомса маркази” кўринишдаги ёзувлар “Реклама тўғрисида”ги Қонун талабларига зид равишда жойлаштирилганлиги аниқланди. Юқоридаги ҳолатларга мувофиқ, ҳудудий бошқарма Махсус комиссияси томонидан “ISLOM ISOKOV” МЧЖга нисбатан “Реклама тўғрисида”ги, “Рақобат тўғрисида”ги Қонунлари ҳамда Вазирлар Маҳкамасининг 694-сонли қарори талаблари бузилиш аломатлари юзасидан иш қўзғатилиб, келгусида йўл қўймаслик тўғрисида кўрсатма берилди.
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!