Янгиликлар
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан Рақамли технологиялар вазирлиги ходимлари учун рақобат сиёсати ва давлат харидлари қонунчилиги бўйича навбатдаги малака ошириш курси ташкил этилди.
Малака оширишда янги босқич: Марказ томонидан тизимли ўқув курслари ташкил этилмоқда
Наманганда минтақавий филиал иш бошлади
Илм фан ва амалиёт интеграцияси
Халқаро ҳамкорлик
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази директори Олимжон Жумаев жорий йилнинг 5-6 июнь кунлари Берген рақобат ҳуқуқи ва иқтисодиёти маркази (Bergen Center for Competition Law and Economics, BECCLE) томонидан ташкил этилган 9-йиллик Рақобат сиёсати конференциясида «Bergen Competition Policy Conference 2025» иштирок этди. Мазкур конференцияда рақамли бозорларни тартибга солиш, устун мавқени суиистеъмол қилишга қарши курашиш, монополияга қарши механизмларнинг ижтимоий ва меҳнат сиёсати билан ўзаро алоқаси масалаларига алоҳида эътибор қаратилди. Конференцияда халқаро экспертлар, етакчи университетлар ва илмий-тадқиқот марказлари (Норвегия Иқтисодиёт мактаби, Пенсилвания университети ҳузуридаги Кэри юридик мактаби, Тулуза иқтисодиёт мактаби), шунингдек, Европа комиссияси ва AҚШ Федерал савдо комиссияси каби ташкилотлар иштирок этдилар.
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан Давлат органлари ва хўжалик юритувчи субъектлар ходимларини рақобат сиёсати бўйича ўқитиш ва малакасини оширишга қаратилган навбатдаги ўқув курси бўлиб ўтди.
Ўқув дастури давомида иштирокчилар иқтисодиётда рақобат муҳитини шакллантириш, монополияга қарши қонунчиликни тўғри қўллаш ва соҳага оид амалий кўникмаларни мустаҳкамлашга қаратилган билим ва кўникмаларга ега бўлдилар. Ушбу ўқув курси доирасида қуйидаги йўналишлар қамраб олинди:“Рақобат тўғрисида”ги Қонун ва унинг мақсадлариУстун мавқе ва монополияни аниқлаш мезонлариМонополияга қарши комплаенс тизими ва уни жорий этиш тартибиИнсофсиз рақобат ҳолатлари ва уларга нисбатан ҳуқуқий чораларКартел ва вертикал келишувлар, савдолардаги тил бириктириш ҳолатлариДавлат харидлари ва тендер жараёнларида рақобат қоидалариРақамли платформаларда бозор ҳукмронлиги ва унинг таҳлилиБиржа савдоларида манипуляция ҳаракатлари ва назорат механизмлари Дарслар тегишли соҳада кўп йиллик тажрибага эга мутахассислар — Қўмита раҳбарияти, бошқарма ва бўлим бошлиқлари, олий таълим муассасалари профессор-ўқитувчилари томонидан олиб борилди. Курс якунида иштирокчиларга сертификатлар топширилди.
Марказ Маннҳеим Рақобат ва инновациялар маркази билан рақамли платформаларни тартибга солишни муҳокама қилди
Бугун Рақобат сиёсати ва истеъмолчилар ҳуқуқлари тадқиқотлари маркази томонидан Маннҳеим Рақобат ва инновациялар маркази директори, профессор Мартин Пайц билан онлайн учрашув ўтказилди. Мулоқот давомида томонлар рақамли платформаларни тартибга солишнинг долзарб жиҳатларини муҳокама қилдилар, шунингдек, ўзаро ҳамкорликнинг мумкин бўлган йўналишларини белгилаб олдилар. Учрашув якунида Марказ ходимлари учун рақамли платформаларни тартибга солишнинг замонавий ёндашувларига бағишланган ўқув семинарларини ташкил етиш тўғрисида келишувга эришилди.
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!