Янгиликлар
Касбий салоҳиятни оширишга қаратилган ўқув дастурлари ишлаб чиқилди
Қўл пневматик насослари бозори таҳлил қилинди
Сувни филтрлаш ёки тозалаш учун ускуна ва қурилмалар бозори таҳлил қилинди
Рақобат сиёсати ва истеъмолчилар ҳуқуқлари тадқиқотлари маркази жамоаси cизларни кириб келаётган Наврўз умумхалқ байрами билан самимий муборакбод этади.
Рақобат сиёсати ва истеъмолчилар ҳуқуқлари тадқиқотлари маркази жамоаси сизларни муборак Рамазон ҳайити билан самимий муборакбод этади.
Ушбу қутлуғ айём хонадонларингизга тинчлик, файз-у барака ва қалбингизга шодлик олиб келсин. Барча эзгу ниятларингиз рўёбга чиқишини тилаб қоламиз. Ҳурмат билан, Рақобат сиёсати ва истеъмолчилар ҳуқуқлари тадқиқотлари маркази жамоаси |Telegram |facebook|instagram|
Жаҳон бозорида тухум нархлари ва экспорт имкониятлари таҳлил қилинди
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан жаҳон бозорида тухум маҳсулотининг чакана нархлари ҳамда Ўзбекистон учун истиқболли экспорт йўналишлари бўйича таҳлил ўтказилди. Numbeo халқаро сервиси маълумотларига кўра, жаҳон мамлакатларида тухум (10 дона)нинг ўртача чакана нархлари ўрганилганда, бугунги кунда энг паст нархлар қуйидаги давлатларда қайд этилмоқда:• Ҳиндистон — 0,75 доллар• Бангладеш — 0,97 доллар• Покистон — 0,99 доллар Шу билан бирга, тухум маҳсулоти энг қиммат саналган давлатлар қуйидагилар ҳисобланади:• Швейцария — 6,6 доллар• Янги Зеландия — 5,4 доллар• Дания — 4,26 доллар• Нидерландия — 4,23 доллар• Австралия — 4,15 доллар Мазкур рейтингга мувофиқ, Ўзбекистонда 10 дона тухумнинг ўртача чакана нархи 1,38 долларни ташкил этиб, 101 та мамлакат орасида 88-ўринни эгаллаган.Қиёслаш учун:• Қозоғистон — 1,43 доллар (86-ўрин)• Россия — 1,45 доллар (85-ўрин) Шунингдек, БМТнинг халқаро статистика базаси — UN Commodity Trade Statistics Database маълумотлари таҳлил қилинганда, 2024 йилда 131 та мамлакат томонидан жами 4,8 млрд долларлик тухум маҳсулоти импорт қилингани аниқланди. Таҳлиллар натижасида Саудия Арабистони, Қатар, Исроил ва Озарбайжон давлатларида тухум маҳсулотига ташқи талаб юқори эканлиги қайд этилди. Шу билан бирга, мамлакатимиздан мазкур давлатларга тухум экспорт қилишда транспорт харажатлари ҳамда тариф ва нотариф чекловлар ҳисобга олинмаган ҳолда, бошқа мамлакатларга нисбатан қиёсий устунлик (comparative advantage) мавжудлиги аниқланди. Мазкур таҳлил натижалари маҳаллий ишлаб чиқарувчилар учун ташқи бозорларни кенгайтириш ва экспорт салоҳиятини оширишда муҳим аҳамият касб этади. |Telegram |facebook|instagram|
Рақобат сиёсати ва истеъмолчилар ҳуқуқлари тадқиқотлари маркази ТОП–20 “Ақл марказлари” қаторидан жой олди
“Юксалиш” умуммиллий ҳаракати томонидан 2025-йил якунлари бўйича Ўзбекистонда фаолият юритаётган “Ақл марказлари”нинг таҳлилий рейтинги эълон қилинди. Мазкур рейтинг мамлакатимизда илмий-таҳлилий фаолият олиб бораётган марказларнинг очиқ манбалар асосидаги фаоллиги ҳамда жамоатчилик билан мулоқот даражасини баҳолашга қаратилган. Рақобат сиёсати ва истеъмолчилар ҳуқуқлари тадқиқотлари маркази Республикамизнинг ТОП–20 “Ақл марказлари” қаторидан жой олди. 2025-йил давомида Марказ томонидан:• 150 дан ортиқ илмий-таҳлилий материаллар эълон қилинди;• расмий веб-саҳифага 22 мингдан ортиқ ташриф қайд этилди;• Марказ материалларидан 400 дан ортиқ иқтибос келтирилди. Мазкур натижа Марказ томонидан рақобат сиёсати, монополияга қарши тартибга солиш ва истеъмолчилар ҳуқуқларини ҳимоя қилиш соҳаларида олиб борилаётган илмий-таҳлилий фаолият самарасининг яна бир эътирофидир. Марказ келгусида ҳам илмий тадқиқотлар ва таҳлилий ишланмалар орқали мамлакатимизда рақобат муҳитини мустаҳкамлаш, замонавий таҳлилий ёндашувларни кенг жорий этиш ҳамда очиқ экспертлик майдонини ривожлантиришга хизмат қилишда давом этади. |Telegram |facebook|instagram|
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!