Янгиликлар
“Uzum Tezkor” МЧЖ ХК устун мавқега эга рақамли платформа оператори сифатида эътироф этилди
Ўзбекистон Республикаси Президенти Шавкат Мирзиёевнинг "Euronews"га берган эксклюзив интервьюси
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази ҳамда BRICS Рақобат ҳуқуқи ва сиёсати халқаро маркази ўртасида ўзаро ҳамкорлик тўғрисида меморандум имзоланди.
Халқаро семинар
Халқаро ҳамкорлик: фармацевтика бозорида рақобатни ривожлантириш тажрибаси муҳокама қилинди
Жорий йилнинг 12-13 март кунлари Татаристон Республикаси пойтахти Қозон шаҳридаги Россия Федерацияси Федерал монополияга қарши курашиш хизмати (ФАС) Ўқув-методик маркази базасида фармацевтика бозорида рақобатни ривожлантириш масалаларига бағишланган халқаро давра суҳбати бўлиб ўтди. Унда Россия, Хитой, Беларусь, Қозоғистон ва Ўзбекистондан соҳа мутахассислари иштирок этдилар. Тадбирда дориларнинг нархи сунъий оширилишининг олдини олиш, мажбурий лицензиялаш ва патент қонунчилиги масалалари, шунингдек, давлат харидлари соҳасидаги картель келишувларига қарши кураш бўйича хорижий мамлакатларнинг илғор тажрибалари муҳокама этилди. Ўзбекистон Республикаси томонидан Рақобатни ривожлантириш ва истеъмолчилар ҳуқуқларини ҳимоя қилиш қўмитаси ходимлари иштирок этиб, мамлакатимизда фармацевтика бозорида рақобат муҳитини шакллантириш ва дори воситаларининг давлат харидларини тартибга солиш бўйича амалга оширилаётган ишлар ҳақида маълумот бердилар. Тадбир якунида барча иштирокчиларга сертификатлар топширилди ҳамда келгусида ўзаро ҳамкорликни янада кучайтириш бўйича келишувга эришилди.
Муқобил қурилиш технологияларини ривожлантириш
"Ўзбекистон - 2030" стратегиясини “Атроф-муҳитни асраш ва “яшил иқтисодиёт” йилида амалга оширишга оид давлат дастури доирасида 2025 йил 1 августдан бошлаб муқобил технологиялардан кенг фойдаланишга ўтишни рағбатлантириш мақсадида пишиқ ғишт ишлаб чиқаришдан пеноблок ва газоблок каби материаллар ишлаб чиқаришга ўтган қурилиш ташкилотларига "Шаффоф қурилиш" платформасида устуворлик берилади. Шунингдек, 2027 йил 1 январдан бошлаб ер ресурсларини муҳофаза қилиш ва тупроқнинг унумдор қатламини юқотишга юл қўймаслик мақсадида қишлоқ хўжалиги, табиатни муҳофаза қилиш, соғломлаштириш ва рекреация мақсадларига мўлжалланган ерларда, тарихий-маданий аҳамиятга молик ерларда, ўрмон ва сув фондларида қум карьерлари фаолияти тақиқланади.
Савдо ва хизмат кўрсатиш корхоналари учун ижтимоий солиқ ставкаси узайтирилади
Ўзбекистон Республикаси Президенти Шавкат Мирзиёев раислигида 7 февраль куни ҳудудларда хизматлар соҳасини ривожлантириш масалалари бўйича видеоселектор йиғилиши ўтказилди. Йиғилишда асосий таклифлардан бири савдо ва хизмат кўрсатиш соҳаси корхоналари учун ижтимоий солиқ ставкасини 1 фоизга узайтириш бўлди. Имтиёз жорий этилганидан буён ўтган 2 йил ичида корхоналар сони 1,5 баробар ошди. Кўплаб тадбиркорлар ойлик иш ҳақини тўғри кўрсата бошлагани натижасида иш ҳақи фонди 3,2 баравар кўпайиб, бюджетга қўшимча 2,1 триллион сўм тушум таъминланди. Шу боис имтиёз муддатини яна 3 йилга узайтириш тўғрисида қарор қабул қилинди.
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!