Янгиликлар
Рақамли трансформация ва адолатли рақобат сари қўйилган навбатдаги муҳим қадам
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази ҳамда “Юксалиш” умуммиллий ҳаракати ўртасида ҳамкорлик тўғрисидаги англашув меморандуми имзоланди
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази томонидан Рақамли технологиялар вазирлиги ходимлари учун рақобат сиёсати ва давлат харидлари қонунчилиги бўйича навбатдаги малака ошириш курси ташкил этилди.
Малака оширишда янги босқич: Марказ томонидан тизимли ўқув курслари ташкил этилмоқда
Наманганда минтақавий филиал иш бошлади
2025 йил 2 июль куни Наманганда "Минтақавий ўқув-тренинг маркази" ўз фаолиятини бошлади. Марказ директори О.Жумаев ушбу очилиш маросимида иштирок этиб, минтақавий филиалнинг мақсад ва вазифалари ҳақида маълумот берди. Минтақавий филиал Ўзбекистон Республикаси Рақобатни ривожлантириш ва истеъмолчилар ҳуқуқларини ҳимоя қилиш қўмитаси ҳамда Германиянинг German Sparkassenstiftung ташкилоти билан ҳамкорликда амалга оширилди. Минтақавий филиалнинг асосий мақсади – рақобат сиёсати, давлат харидлари, реклама ва истеъмолчилар ҳуқуқларини ҳимоя қилиш соҳасидаги масъул мутахассисларни тайёрлаш, уларнинг малакасини ошириш орқали соҳада хизмат кўрсатиш сифатини яхшилаш ва тизимли ёндашувни шакллантиришдир. Тадбирда қўмита раҳбарияти, German Sparkassenstiftung вакиллари, Фарғона водийси вилоятлари (Наманган, Андижон, Фарғона) ҳудудий бошқарма мутахассислари ҳамда оммавий ахборот воситалари иштирок этди. Ушбу тадбир доирасида тажриба алмашиш, замонавий инновацион ёндашувлар муҳокамаси ва келгуси истиқболдаги ҳамкорлик масалалари кўриб чиқилди. Рақобат сиёсати ва истеъмолчилар ҳуқуқлари тадқиқотлари маркази томонидан минтақавий ўқув-масканлар фаолиятини йўлга қўйиш орқали тизимда билимли, замонавий қарашларга эга мутахассислар захирасини шакллантиришга алоҳида эътибор қаратилмоқда. #О.Жумаев #Наманган #Тренинг
Илм фан ва амалиёт интеграцияси
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази директори Олимжон Жумаев бошчилигида Тошкент давлат иқтисодиёт университети профессор ўқитувчилари ва илмий ходимлари ўртасида “Илм фан ва амалиёт интеграцияси” мавзусида давра суҳбати ташкил этилди. Тадбир қатнашчилари рақобат муҳитини баҳолаш, бозорларга киришдаги тўсиқларни бартараф этиш, давлат харидлари ва табиий монополияларни ислоҳ қилиш, минтақавий иқтисодиётни ривожлантиришда рақобат муҳитини ривожлантириш имкониятларини аниқлаш каби йўналишларда илмий ва амалий масалаларни муҳокама қилдилар. Шунингдек, томонлар рақобатбардошлик индекси, асосий турдаги озиқ-овқат маҳсулотлари нархларини прогноз қилишда эконометрик усуллардан кенг фойдаланиш, халқаро ташкилотлар билан ҳамкорликда грант лойиҳаларини амалга ошириш ҳамда рақобатни ривожлантириш ва истеъмолчилар ҳуқуқларини ҳимоя қилишнинг барча йўналишларида илмий фаолиятни кенгайтириш бўйича ҳамкорлик қилишга келишиб олдилар.
Халқаро ҳамкорлик
Рақобат қўмитаси ҳузуридаги Рақобат сиёсати ва истеъмолчилар ҳуқуқлари тадқиқотлари маркази директори Олимжон Жумаев жорий йилнинг 5-6 июнь кунлари Берген рақобат ҳуқуқи ва иқтисодиёти маркази (Bergen Center for Competition Law and Economics, BECCLE) томонидан ташкил этилган 9-йиллик Рақобат сиёсати конференциясида «Bergen Competition Policy Conference 2025» иштирок этди. Мазкур конференцияда рақамли бозорларни тартибга солиш, устун мавқени суиистеъмол қилишга қарши курашиш, монополияга қарши механизмларнинг ижтимоий ва меҳнат сиёсати билан ўзаро алоқаси масалаларига алоҳида эътибор қаратилди. Конференцияда халқаро экспертлар, етакчи университетлар ва илмий-тадқиқот марказлари (Норвегия Иқтисодиёт мактаби, Пенсилвания университети ҳузуридаги Кэри юридик мактаби, Тулуза иқтисодиёт мактаби), шунингдек, Европа комиссияси ва AҚШ Федерал савдо комиссияси каби ташкилотлар иштирок этдилар.
Ишонч телефони
Сизда ариза, шикоят ёки таклифлар мавжудми? Бизга ишонч телефонлари орқали мурожаат қилинг!